 Mae’r wobr hon yn caniatáu i’r rhai sy’n
ei dal i oruchwylio pobl ar greigiau rhediad sengl a waliau dringo.
I ennill y wobr hon rydych angen mwy na dim ond sgiliau dringo personol
da. Bydd ein Darparwyr Cwrs sydd wedi eu cymeradwyo yn eich dysgu
chi am reolaeth ddiogel o gr_p, dan do ac yn yr awyr agored, ymddygiad
dringo, cyfrifoldebau amgylcheddol a mwy. Byddwch yn dysgu sut i
ddod yn oruchwyliwr effeithiol, gan annog eraill i fwynhau eu dringo
yn ddiogel, tra hefyd yn gwella rhywfaint ar eich sgiliau dringo
eich hun.
Gofynion Cofrestru:
- Bod yn 18 mlwydd oed o leiaf ac isafswm
o 12 mis o brofiad dringo.
- Aelodaeth o glwb mynydda cyswllt neu
gyngor mynydda (gallwch ymuno ar raddfa ostyngedig gan ddefnyddio’r
ffurflen PDF yma)
- Bod wedi arwain isafswm o 15 llwybr awyr agored
o unrhyw raddfa, gan ddefnyddio gwarchod gan arweinydd (“leader
placed protection).
Hyfforddiant
Mae’r cwrs hyfforddiant SPA yn parhau am o leiaf 20 awr ac yn aml yn
cael ei redeg dros benwythnos dwys. Mae darparwyr yn rhedeg eu cyrsiau drwy’r
DU ac yn ystod y rhan fwyaf o’r flwyddyn. Os oes gennych lefel uchel
iawn o brofiad gallwch wneud cais i gael eich eithrio o’r cwrs hyfforddi.
Atgyfnerthu
Ar ddiwedd eich cwrs bydd y staff hyfforddi yn datblygu cynllun gweithredu
personol gyda chi a fydd yn eich arwain drwy’r rhan hwn o’r
cynllun (fel arfer yn gyfnod o chwe mis o leiaf).
Asesiad
Mae’r asesiad yn parhau am o leiaf 20 awr ac yn cynnwys dringo
personol, goruchwylio gr_p a defnyddio waliau dringo.
Mae’n rhaid i chi fod wedi arwain o leiaf 40 o ddringfeydd
awyr agored gyda’r system gwarchod gan arweinydd. Mae’n
rhaid i rai o’r rhain fod ar raddfa Caled o leiaf a dylent
fod ar amrywiaeth o fathau o greigiau. Mae’n rhaid i chi fod
wedi cwblhau cwrs hyfforddi SPA neu fod wedi cael caniatâd
i gael eich eithrio o’r hyfforddiant a bod â chymhwyster
Cymorth Cyntaf dilys.
|
