Mae’r wobr hon ar gyfer arweinwyr grwpiau cerdded mewn amodau hafaidd ar dir bryniog heb fod yn fynyddig a gaiff ei adnabod dan sawl enw – ucheldir, rhostir, cors, bryn, gweundir neu dwyn. Mae ardaloedd o’r fath yn aml yn cael tywydd garw ac angen elfen o hunangynhaliaeth a bydd y cynllun hwn yn eich cynorthwyo i ddatblygu’r sgiliau a’r profiad angenrheidiol.

Gofynion Cofrestru:

Hyfforddiant
Er mwyn mynychu cwrs hyfforddiant mae’n rhaid i chi fod wedi cofnodi o leiaf 20 diwrnod o gerdded mynyddoedd. Mae darparwyr yn rhedeg cyrsiau drwy ardaloedd ucheldir y DU yn ystod y rhan fwyaf o’r flwyddyn mewn amrywiaeth o ffurfiau o ran y cwrs, sy’n cynnwys isafswm o 30 awr o amser cyswllt. Mae sgiliau dod o hyd i’r ffordd, rheolaeth gr_p, ymwybyddiaeth amgylcheddol a’r profiad dros nos yn cael eu cynnwys yn y cwrs (nid yw gwersylla yn y gwyllt yn rhan o’r cwrs). Os oes gennych lefel uchel dros ben o brofiad gallwch wneud cais i gael eich eithrio o’r cwrs hyfforddiant. Mae ymgeiswyr sydd wedi cwblhau hyfforddiant ML yn barod yn cael eu heithrio o’r hyfforddiant WGL mor bell â’u bod wedi cofrestru ar y cynllun WGL cyn mynychu’r asesiad.

Atgyfnerthu
Ar ddiwedd eich cwrs bydd y staff hyfforddi yn datblygu cynllun gweithredu personol gyda chi a fydd yn eich arwain drwy’r cam hwn o’r cynllun (fel arfer yn gyfnod o chwe mis o leiaf)

Asesu
Mae gan gyrsiau asesu o leiaf 30 awr o amser cyswllt. Mae’n rhaid i chi fod wedi cwblhau isafswm o 40 o ddiwrnodiau o gerdded mynyddoedd a bod â chymhwyster Cymorth Cyntaf dilys. Yn ogystal, mae’n rhaid i chi fod wedi cwblhau cwrs hyfforddiant WGL neu fod wedi cael eich eithrio o’r hyfforddiant. Gall ymgeiswyr sydd wedi cwblhau hyfforddiant ML gymryd asesiad WGL mor bell â’u bod wedi cofrestru ar gyfer WGL.

ML ta WGL?
Mae ML yn golygu gwersylla yn y gwyllt, symud ar dir serth a pheth gwaith â rhaff, tra nad yw WGL yn cynnwys tir serth neu greigiog ond yn cynnwys gwersylla mewn dyffrynnoedd a phrofiad dros nos. Mae’n rhaid i ymgeiswyr asesiad WGL lywio gyda’r un cywirdeb ag ar ML, ond dros dir “corsiog”. Mae tir WGL wedi ei ddiffinio’n glir gyda ffiniau amlwg, megis ffyrdd ac arfordiroedd a gellir adnabod ac osgoi unrhyw beryglon oddi mewn iddo. .